ئێمە کێین

١- جیاکاری نەکردن لە نەژاد، ڕەگەز، پابەندە ئایینی و سیاسییەکانی منداڵ و گەنجاندا.

٢- پاڵپشتیکردن لە تاکەکانی کۆمەڵگە تا بەشداربن لە بەرەوپێشبردنی پاراستنی منداڵ و مافەکانی.

٣- کارکردن بۆ دامەزراندن و بەڕێوەبردنی پڕۆژەی سودبەخش بە منداڵ لە بوارەکانی تەندروستی، کۆمەڵایەتی، ئابوری و پەروەردەیی لە هەرێمی کوردستانی عێراق و ناوچەکانی تردا بە شێوەیەکی ڕاستەوخۆ یان ناڕاستەوخۆ بە جۆرێک کە گۆڕانکاری و بەرەوپێشچون لە بوارەکانی پاراستن و گەشەی منداڵ و گەنجاندا بهێنێتە دی.

٤- هاوکاری و هەماهەنگیکردن و گۆڕینەوەی زانیاری لەگەڵ دەستە خۆبەخشەکان و ئەو دەستە یاساییانەدا کە خۆبەخشانە لە هەمان بواردا کاردەکەن.

٥- پتەوکردنی پەیوەندییەکان لەگەڵ ڕێکخراوە ناوخۆیی و جیهانییەکان و دامەزراوە حکومی و فەڕمییەکاندا کە هەمان ئامانجی ئەم ڕێکخراوەیان هەیە.

٦- کۆکردنەوەی کۆمەک و هاوکاری ماددی کە وەک بەخشینێک لەلایەن هەر کەسێکەوە پێشکەشبکرێت.

٧- دامەزراندنی کەسانی پێویست بۆ سەرپەرشتیکردن و جێبەجێکردنی کار و بەرنامەی کاری ڕێکخراو.

٨- ڕێکخستن و دابینکردنی پێداویستییەکانی (کۆبونەوە، پێشانگە، وانە، سیمینار، خولی ڕاهێنان و ڕووپێوی) بەمەبەستی گەیشتن بە ئامانجەکان.

٩- پاڵپشتیکردن و بەڕێوەبردنی پڕۆژە درێژخایەنەکان.

١٠- ئەنجامدانی هەر کارێکی یاسایی تر کە خزمەت بە گەیشتن بە ئامانجی ڕێکخراوەکە بگەیەنێت.